MENTINS formakuntza programa

Prestakuntza arautuetan parte hartzeko oztopo handiak dituzten pertsonek mendeko pertsonei gizarte-erakundeetan arreta soziosanitarioa emateko Profesionaltasun-Ziurtagiria lortzeko Prestakuntza-programa.

Prestakuntza hau (450 ordukoa), pertsona partikularrak etxeetan zaintzen dituzten eta formakuntza arautuetan parte hartzeko oztopo handiak dituzten langileek ere, (adibidez, berehala lan egiteko premia handia dutenek, kontziliazio-arazoak dituztenek, etab.) honako aukera hauek izan ditzaten diseinatuta dago:

Profesionaltasun-Ziurtagiria lortzea dezakete, Etorkizuneko Ikaskuntzen Euskal Institutuaren (EEI) Konpetentziak Ebaluatzeko eta Egiaztatzeko Prozeduren (KEEP) bidez.
Enplegagarritasuna hobetzea (zaintzak eta egoitza-arreta erabiltzeko nitxoan) eta kalitatezko zaintza-zerbitzuak emateko oinarri gisa.

MENTINSek autoprestakuntzarako (362 ordu) eta talde-trebakuntzarako (88 ordu) metodologia mistoa erabiltzen du.

Autoprestakuntza:

Hainbat ikaskuntza-baliabide erabiltzen dira paperezko formatuan, hala nola eskuliburuak eta fitxa-koadernoak, test edo “egia ala gezurra” motako ariketekin.
Pertsona bakoitzak banaka lantzen ditu astero finkatutako edukiak, nahi duen unean eta lekuan.

Talde-trebakuntza:

Larunbatero eta arratsaldez, 4 orduko 22 saiotan, aurrez aurreko talde-trebakuntzak izango dituzte.
Asteroko lana eginda, zalantzak argitu, edukiak indartu, gaitasun praktikoak probatu eta eskuratutako ezagutzak ebaluatuko dituzte.

MENTINSen onurak

Formakuntza-programa honetan parte hartzen dutenak:

Konpetentziak Ebaluatzeko eta Egiaztatzeko Prozedurak gainditzeko (eta ziurtagiri ofiziala lortzeko) eskatzen diren ezagutzak eskuratzen dituzte.
Titulu pribatua jasotzen dute, eskatutako gutxieneko esperientzia egiaztatu ezin dutenek Konpetentziak Ebaluatzeko eta Egiaztatzeko Prozeduran parte hartzeko balio duena.
Gainera, Konpetentziak Ebaluatzeko eta Egiaztatzeko Prozeduran parte hartzea errazten zaie, orientazio espezifiko batekin.

Laguntza jasotzen dute, bai taldeka, bai banaka, aurrez aurre edo/eta urrutitik. Etorkizuneko Ikaskuntzen Euskal Institutuaren (EEI) azterketara aurkezten direnei aholkuak ematen zaizkie fase desberdinei buruz: izen-ematea, dokumentazioa eta jarraitu beharreko urratsak.